Taktil plitka PVX — ogohlantiruvchi konuslar (sariq, 300×300 mm)

Taktil plitka PVX — ogohlantiruvchi — bu ko'rish qobiliyati cheklangan insonlarni xavf yoki diqqat talab qiladigan joy haqida ogohlantiruvchi maxsus yo'l qoplamasi. Plitka yuzasidagi tartibli joylashgan konussimon nuqtalar (bugorklar) oyoq tagida yoki hassa orqali yaqqol seziladi va insonga "to'xtang, e'tibor bering" degan signal beradi. Yo'nalish chiziqli plitkadan farqli ravishda, bu plitka harakatni davom ettirishni emas, balki ehtiyot bo'lishni bildiradi.

Bunday ogohlantiruvchi plitkalar quyidagi joylarga o'rnatiladi: pillapoyaning yuqori va pastki qismi, piyodalar o'tish joyi oldi, perron (platforma) cheti, eshik oldi, yo'nalish o'zgaradigan burilish nuqtalari hamda har qanday to'siq yoki xavfli zona oldida.

Mahsulot yuqori sifatli PVX (polivinilxlorid) materialidan tayyorlangan. U namlikka, mexanik ishqalanishga, harorat farqlariga va ultrabinafsha nurlarga chidamli — uzoq muddat rangini va shaklini saqlaydi. Yorqin sariq rang qisman ko'radigan insonlar uchun kuchli vizual kontrast hosil qiladi va xavfli zonani uzoqdan ham ko'rsatadi.

O'lchami: 300×300 mm (30×30 sm). Talab bo'yicha 500×500 mm ham mavjud. Plitka ichki binolar — maktab, kasalxona, davlat idoralari, savdo markazlari, metro va bekatlar — hamda yopiq yo'laklar uchun mos keladi.

O'rnatish oddiy: tekis va toza yuzaga maxsus polimer yelim yordamida yopishtiriladi. Konuslarning balandligi va joylashuvi me'yorlarga muvofiq bo'lib, oyoq bilan ham, hassa bilan ham aniq seziladi. Yuza sirpanmaydi, shuning uchun nam holatda ham xavfsiz.

Mahsulot taktil yo'l indikatorlari talablariga (GOST R 52875 / O'z DSt mos) muvofiq ishlab chiqarilgan va shahar muhitini imkoniyati cheklangan shaxslar uchun moslashtirish me'yorlariga javob beradi.

Ogohlantiruvchi plitka — inklyuziv muhitning eng muhim elementlaridan biri. U insonlarni potensial xavfdan oldindan ogohlantiradi va ob'ektingizni hamma uchun xavfsiz qiladi. Ko'pincha yo'naltiruvchi plitka bilan birga, bitta tizim sifatida o'rnatiladi.